«Касап» каймана аты менен таанылган уюшкан кылмыштуу топтун мүчөсү кармалды. Бул тууралуу Ош ШИИБден билдиришти.
Маалыматка ылайык, 6-октябрь күнү Ош облусунун 1996-жылы туулган тургуну арыз менен кайрылып, анда Ош шаарынын Ленин көчөсүндө орун алган «Лофт» кафесинде отурган жеринен ага бейтааныш жаран эч себепсиз бычак такап, аны уруп кеткендигин билдирген.
Бул факты боюнча териштирүү иштери жүргүзүлүп, “Касап” деген каймана ат менен таанылган Ош облусунун Кара-Суу районунун тургуну, 1995-жылы туулган Т.Б. экендиги такталган.
Шектүү тергөөдөн изин жашырып, белгисиз жакта жашырынып жүргөндө, түнкү эс алуу клубдарынын биринде эс алып жаткан жеринен кармалган.
Ага кароо жүргүзгөн учурда жанынан бычак жана жасалма 100$ доллары алынган.
Шектүү Ош ШИИБнын убактылуу кармоочу жайга киргизилди.
