Индия менен Шри-ланкада катуу жамгырдан 41 адам каза болду. Бул тууралуу чет элдик басылмалар жазып чыкты.
Маалыматка караганда, суу ташкыны Шри-Ланкада 25 адамдын өмүрүн алган. Алардын көпчүлүгү сууга чөгүп кетишкен.
Ал эми, Индияда нөшөрлөп жааган жаандан өзгөчө Ченнай шаары жабыркап, Тамилнад штатында 16 адам каза болду. Ошондой эле куткаруу тобу көпчүлүк райондордун тургундарын эвакуациялаган. Темир жол кыймылы жана билим берүү мекемелери жабык.
Жергиликтүү метеорологдордун айтымында, Индияда жакынкы күндөрү жаан жаашы күтүлөт.
