«2019-жылдын мыкты футболчусу» атыккан Кыргызстандык спортчу Гүлжигит Алыкулов жөнүндө «Жиге» аталышындагы даректүү тасмасы тартылды.
Маалым болгондой, даректүү тасма Казакстандын «Кайрат» клубу тарабынан тартылган. Ал эми видео ФК YouTube каналына жарыяланган.
Тасмада футболчу карьерасынын башталышы, Казакстан менен Кыргызстандын маданияты, Алматыдагы клубда иштегендиги жана башка көптөгөн нерселерди айтып берген.
Эске салсак, «Кайрат» ФК 2020-жылдын башында Кыргыз курама командасынын жарым коргоочусу Гүлжигит Алыкулов менен эмгек келишимин түзгөн. Ал эми келишим 2023-жылдын аягына чейин узартылган.
Гүлжигит Алыкулов Кыргызстандын Футбол Федерациясынын тандоосу боюнча 2019-жылдын мыкты оюнчусу деп табылган.
