Казакстанда кургакчылыктан улам миңдеген бодо малдар өлүп, чөптүн тартыштыгынан мал-жандыктарды сууланган картон менен азыктандырышууда. Ал эми дыйкандар өкмөттөн өзгөчө кырдаал режимин киргизүүнү суранышууда. Бул тууралуу “РИА-новости” маалыматтык агенттиги кабарлайт.
“Казакстанда аномалдык ысык катталып, эгин-талаалар күйүп кеткен. Ал эми чөптүн баасы болуп көрбөгөндөй кымбаттады. Малчылар жаздын ортосунан бери эле бийликтин колдоосун күтүшкөн, бирок эч кандай жооп болбогондуктан өз алдынча күрөшүүгө аракет кылышууда. Аларга башка аймактардын тургундары колдон келген жардамдарын көргөзүп жатышат”, — деп берилет маалыматта.