Кечээ, 8-декабрь Кемин районундагы «Ак кеме» кафесинде майыптуулугу бар бөбөктөргө арналган иш-чара болуп өттү. Бул тууралуу 7-канал жеринен кабар алды.
Иш-чара «Кемин ынтымагы» коомдук бирикмеси тарабынан уюштурулган, ал эми иш-чарага Кемин районунун акими Алайбек Жумаев келип балдарды куттуктап, жакшы каалоо-тилектерин бөлүшүп кетти. Ал бул иш-чарага катышуу үчүн тоо аралап жумушта жүргөн жеринен атайын келген. Ошондой эле Кемин районунунун Эмгек жана социалдык өнүктүрүү башкармалыгынын башчысы Дамира Абышевна дагы өзүнүн коллективи менен уюштуруу иштеринде өтө зор колдоо көрсөткөн.
Уюштуруучулар балдарга көңүл бөлүп, каалоо-тилектерин айтып кеткен район башчыларына ыраазычылык билдиришип, балдарга арналган бир күн да болсо жакшы маанай тартуулангандыгын баса белгилешти.
