Ошто үйдө камалып калган кичинекей балдар куткарылды. Бул тууралуу ӨКМден билдиришти.
Маалыматка ылайык, Салиева көчөсүндө жайгашкан көп кабаттуу үйлөрдүн биринде жашаган жаран батирине кире албай калгандыгы тууралуу маалымат түшкөн. Батирдин ичинде 8, 5 жана эң кичүүсү 2 жашар балдар болгон.
Жерине келген куткаруучулар кол шаймандардын жардамы менен эшикти ачып балдарды чоң атасына өткөрүп беришти. Балдар медициналык жардамга муктаж эмес.
Өзгөчө кырдаалдар министрлигинин куткаруучулары балдардын жакындары менен профилактикалык баарлашуу өткөрүп, баланы кароосуз калтырбоого чакырышты.
