Жогорку Кеңешке шайлоо жакшы деңгээлде өттү. Бул тууралуу КМШ Парламенттер аралык ассамблеясынын башкы катчысы Дмитрий Кобицкий билдирди.
КМШ ПА ассамблеясынын башкы катчысы жарандарды шайлоого келбегени үчүн айыпка жыгуу ашыкча экенин айтты.
Анын айтымында, ар бир өлкө добуш берүүнү кызыктуу кылуу үчүн өз ыкмаларын колдонуп келет: Жарнама, агартуу иштери, шайлоо маданиятын жайылтуу керектигин айтты.
Кобицкий улуу муундагы адамдар шайлоого барууга көнүп бүткөнүн, ал эми жаштар менен иштөө зарылдыгын белгиледи.
Ал парламенттик шайлоодогу 36,9% катышууну “жетиштүү деңгээл” деп, бирок келечекте бул көрсөткүчтү жогорулатуу максат бойдон каларын кошумчалады.
