“Камаз” үлгүсүндөгү оор жүк ташуучу унаа, кошуна мамлекеттин аймагынан дарбыз, күрүч жана элге керектелүүчү азыктарды жүктөп келе жаткан жеринен кармалган. Бул тууралуу УКМКнын басма сөз кызматы билдирди.
Маалыматка ылайык, мыйзамсыз аткезчилик боюнча козголгон административдик иштин алкагында, ушул жылдын 21-октябрында Лейлек райондук сотунда автоунаанын айдоочусу Т.Ж.С. күнөөсүн мойнуна алган.
КРнын Укук бузуулар жөнүндө кодексинин 372-1-беренесинин 1-бөлүгүнө ылайык “Камаз” үлгүсүндөгү жүк ташуучу унаа мамлекеттин пайдасына конфискацияланган.
Шектүүгө карата 60 миң сом өлчөмүндө айып жана товар үчүн бажы төлөмдөрүн төлөө салынды.
