Бүгүн 22-март күнү Баткен облусунун Лейлек районундагы Кулунду айылында “Кулунду жалпы дарыгерлик-практика борборунун” жаңы имаратынын курулушу башталды. Бул тууралуу Баткен облустук басма сөз кызматы билдирди.
Эки кабаттуу жаңы имаратта хирургия бөлүмү, жандандыруу бөлүмү, дарыгерлер жана медайымдар бөлмөлөрү, ошондой эле бейтаптар үчүн каналар болот. Жалпы аянты 510 м2.
Сметалык баасы 28 000 000 сомду түзгөн оорукана «Ас-Сафа-Борбору» коомдук бирикмеси тарабынан каржыланууда. Курулуш иштери аяктагандан кийин бирикме тарабынан,ооруканага керектүү медициналык шаймандар, заманбап жабдуулар орнотулат.
Оорукана 2021-жылдын октябрь айында аяктап,пайдаланууга берүү пландаштырылууда.
