Коргоо министри Бактыбек Бекболотов баш болгон министрликтин жетекчилиги Улуу Ата Мекендик согуштун ардагерлерин куттуктады.
Бишкектеги алты ардагерге министрликтин аскердик-көрсөтмө оркестри, Улуттук гвардиянын ардак кароол ротасынын аскерлери концерт тартуулап, мындай куттуктоо башка аймактарда болгон.
Министрликтин маалыматы боюнча, 360 миңден ашуун мекендеш Улуу Ата Мекендик согушка кетип, алардын 160 миңден ашууну согуштан кайтып келген эмес. Жарымынан көбү медаль жана ордендер менен сыйланган, 74 кыргызстандык Советтер Союзунун Баатыры, ал эми 26сы Даңк орденинин толук кавалери болгон.
Быйыл Улуу Жеңиштин 80 жылдыгын Кыргызстанда согуштун 14 катышуучусу белгилейт.
