Коронавирустун жаңы жугуштуу түрү (британиялык штамм) Кытайга дагы жетти. Бул тууралуу чет элдик маалымат булактары жазып чыгышты.
Маалыматка ылайык, жүргүзүлгөн анализдердин натыйжасында 2 адамдан коронавирустун жаңы штаммы аныкталган.
«Жүргүзүлгөн анализдердин натыйжасында 2 адамдан коронавирустун жаңы жугуштуу түрү аныкталды. Вирус аныкталган жарандар сырттан келген болушу мүмкүн», — деген Пан Синхо.
Ошондой эле бийлик өкүлдөрү Дасин районунда жашаган элди 14 күндүн ичинде текшерүүдөн өтүп, башка аймакка чыкпоого чакырышууда. Кытайдан жалпы 98 миң 415 адам коронавируска кабылган. Анын ичинен 4 миң 801и каза болсо, 91 миң 361 бейтап илдетти жеңген.
