Казакстандын Актау шаарында катталган авиакырсыктан жабыркаган кыргыз жарандарыбызды мекенге кайтаруу үчүн жөнөтүлгөн учак Актау шаарына бүгүн саат 20:50дө конду.
Учурда полковник Асанов Алмазбек жана ӨКМдин өзгөчө кырдаалдар медицина кызматынын директору Боталиев Азат жабыркаган жарандарыбызды мекенге жеткирүү алдында дарыгерлер тобуна жана учактын экипажына коопсуздук жана медициналык стандарттар боюнча инструктаж өткөрүштү.
Алар учуу учурунда жабыркагандарга тийиштүү медициналык жардам көрсөтүү жана бардык коопсуздук чараларын сактоо боюнча тапшырмаларды беришти.
Жабыркаган жарандарыбыз атайын жабдылган учак менен эртең саат 01:00дө Бишкекке конушу күтүлүүдө.
