Португалиянын курама командасынын чабуулчусу Криштиану Роналду карьерасын токтото турчу мөөнөттү тандады. Бул тууралуу Tengri Sport жазып чыкты.
38 жаштагы футболчу бул чечимин «Аль-Наср» клубунун жетекчилерине айткан.
“Роналду Португалия курама командасынын лагерине барар алдында “Аль-Насрдын” жетекчилигине келишимин 2027-жылдын башына чейин узарткысы келээрин билдирген”, — деп айтылат маалыматта.
Криштиану 2026-жылдагы дүйнөлүк чемпионатка «Аль-Насрдын” чабуулчусу катары катышып, андан соң футболдон кетээрин жарыялоону пландоодо” , — дейт Аль-Харабинин журналисти.
Кошумчалай кетсек, дүйнө чемпионаты 2026-жылы үч мамлекетте болот. Алар — АКШ, Мексика жана Канада.
