Кыргызстандык боксчу Мунарбек Сейитбек уулу Париждеги Олимпиада оюндарынын алкагындагы биринчи беттешин жеңиш менен баштады.
Сейитбек уулу 57 кг салмакта күч сынашууда. Ал таймашты 1/8 финалдан баштап, кубалык Орта Родригес менен кез келди. Беттештин жыйынтыгы менен калыстар Мунарбек Сейитбек уулун жеңүүчү деп тапты.
Эми ал чейрек финалда америкалык Жамал Харви менен беттешет. Таймаш 3үнөн 4-августка караган түнү саат 00:00до болот.
Белгилей кетсек, Париждеги жайкы Олимпиада оюндары 26-июлдан 11-августка чейин, Паралимпиадалык оюндар 28-августтан 8-сентябрга чейин өтөт.
Кыргызстандын 16 спортчусу сууда сүзүү, спорттук күрөш, жеңил атлетика, дзюдо жана бокс боюнча мелдештерге катышат.
