Министрлер кабинетинин чечимине ылайык, 1-апрелден 31-декабрга чейин Кыргыз Республикасына импорттолуучу кумшекердин жана рафинаддалган өсүмдүк майынын кошумча наркына нөлдүк салык ставкасы белгиленди. Бул тууралуу Министрлер кабинетинен билдиришти.
Министрлер кабинетинин төрагасы Акылбек Жапаров кезектеги кеңешмесин өткөрүп, анда 14 маселе каралган. Жапаров мамлекеттик органдар тарабынан ченемдик укуктук актылардын долбоорлорунун даярдалышын сынга алып, бардык долбоорлор тыкыр укуктук жана экономикалык экспертизадан өтүшү керектигин белгилеген.
