Маданият, маалымат жана туризм министрлиги ырчы Курал Чокоевдин коомчулуктун терс пикирин жараткан чуулгандуу автордук программасы боюнча талкуу жүргүзүп, бир катар чечимдерди кабыл алды. Бул тууралуу министрликтин басма сөз кызматы билдирди.
Маалыматка ылайык, министрликтин 2011-жылдын 12-июнундагы буйругу менен Курал Чокоевге ыйгарылган «Маданияттын мыкты кызматкери» төш белгисин кайтарып алуу буйругуна кол коюлган.
Мындан тышкары министрликтин тиешелүү мекемелерине аталган ырчыларды мамлекеттик маданий иш-чараларга белгилүү мөөнөткө чейин катыштырбоо сунушталды.
