Бишкектеги төрөтканалардын биринде 41 жаштагы Ысык-Көл облусунун Кара-Ой айылынын тургуну Назира Жакыпова 25-ноябрь күнү үч эм төрөдү. Бул тууралуу 7-каналга абысыны Гүлзат айым билдирди.
Маалыматка караганда, үч эмдин экөөсүнө өлкө башчы Садыр Жапаров жана УКМКнын төрагасы Камчыбек Ташиевдин аты коюлган. Ал эми, алардын ортосундагы ынтымакты үчүнчү эмге беришкен.
«Курултай күнү эртең менен саат 09:40та көз жарды. Кыргызстаныбыздын өнүгүшүнө чоң салым кошкон, элибиздин тынчтыгын сактаган президентибиз Садыр Нуркожоевичтей жана Камчыбек Кыдыршаевичтей инсандардан болсун деп Садырбек, Камчыбек, Ынтымак деген ысым ыйгардык. Учурда эне жана балдардын абалы жакшы», — деди абысыны.
Ымыркайлардын үчөө тең уул.
Буга чейин жубайлар 2 уул, 2 кызды тарбиялап келишкен.
