“Казакстан сулуусу-2000” сынагынын катышуучусунун жансыз денеси Москвадагы батирден табылды. Бул тууралуу «Star hit» басылмасы жазып чыкты.
Маалыматка ылайык, 28-ноябрь күнү түштөн кийин Москвадагы Луна театрынын 37 жаштагы актрисанын сөөгүн бала көрүп калган. Ал кошуналарды жардамга чакырып жана тез жардам кызматын да чакырышкан. Бирок аны сактап калууга мүмкүн болгон эмес, дарыгерлер келгенге чейин каза болуп калган.
37 жаштагы Стешенконун өлүмүнүн себептери азырынча айтыла элек. Соттук-медициналык экспертизадан кийин аныкталаары айтылууда.
Наталья Стешенко 2000-жылы «Мисс Казакстан» сынагына катышкан. Луна театрында иштеген, жана эки тасмага тартылган. Ал «Алданган аялдар лигасы» комедиялык сериалында башкы ролду ойногон, ошондой эле «Инспектор Купер» долбоорунда да тартылган.
