Нарын районунан келген делегат Таалайбек Осмонов Жогорку Нарын ГЭСтер каскадын ишке киргизүү маселесин көтөрдү.
Ал учурда райондун аймагында көптөгөн инвестициялар тартылып, ишканалар ачылуу астында турганын белгиледи. Ошондой эле далагет анын артында 1,5 миң жумуш орду түзүлүп жатканын айтты.
«Ишканаларды жумушчулар менен камсыздоо жана миграция маселесин токтотуу максатында Нарын районунун борборунда жана айыл жерлеринде жаштарга бөлүнүп берген жер тилкелерине көп кабаттуу ипотекалык турак жайларды куруу маселесин карап берүүнү суранабыз.
Ошондой эле өлкө жетекчилигинин чечими менен 30 млн сомдук бетон-мамы чыгара турган чакан ишкана ачылып, азыр эскилиги жеткен электр мамылары жаңысына алмаштырылууда. Мындан тышкары, жаңы жумуш орундарын түзүү жана ири киреше алуу үчүн Жогорку Нарын ГЭСтер каскадын ишке киргизип берүүнү суранабыз», — деди ал.
Делегат сөзүнүн соңунда Нарын району тоолуу аймакка киргендиктен айыл чарба жана мал чарба кооперативдерин уюштурууга ишкерлерди колдоо үчүн узак мөөнөттүү жеңилдетилген насыя берүүнү суранды.
Посмотреть эту публикацию в Instagram
