Курулуп жаткан «ПП» турак үйүнүн жер төлөсү (цоколдук жайы) мамлекетке өткөрүлүп берилди. Бул тууралуу УКМК кабарлады.
1990-жылы Кыргыз ССР эл депутаттарынын Фрунзе шаардык Советинин чечими менен СМУ-8ге Бишкек шаарынан аянты 0,521 га болгон жер тилкеси спорттук эс алуу комплексин курууга берилген.
Кийинчерээк Бишкек шаарынын мэриясынын токтому менен белгиленген тартип сакталбастан, 0,1462 га аянтты ээлеген бул жер тилкесинин бир бөлүгү «Факел» ААКтын балансына мыйзамсыз өткөрүлүп берилген, бирок өткөрүп берүү учурунда аталган ишкананын «мамлекеттик ишкана» макамы жокко чыккан.
Бир катар сатуу иштеринен кийин, 2022-жылы аталган жер тилкесин «ПП» ЖЧКсы алып, учурда бул участокто 5 кабаттуу турак жайдын курулушу бүткөрүлүүдө.
Мамлекетке келтирилген зыяндын суммасы 50 миллион 616 миң сомду түзгөн.
