Бүгүн өлкөнүн көпчүлүк аймагында кар жаайт. Бул тууралуу Кыргызгидрометтен билдиришти.
Батыштан соккон шамалдын ылдамдыгы секундасына 4-9 метрге жетет.
Абанын температурасы: Чүй өрөөнүндө -4…1, Ысык-Көл чөлкөмүндө -2…3, Нарын, Талас жергесинде 0…-5, Ош, Жалал-Абад, Баткен облустарында +1…+6 градус болот.
Термометрдин көрсөткүчү борбор калаа Бишкекте 0…-2 , ал эми Ош шаарында 4…6 градуска чейин жетет.
Тоолуу аймактарда, ашууларда көчкү түшүү кооптуулугу бар. Жолдордо муз тоңуп, тайгак болот. Сапарга чыккан автоунаалардын ортосундагы 500 метр аралык сакталышы зарыл.
