2024-жылдын 18-февралынан 24-февралга чейинки окуялар тууралуу саясат таануучу Табылды Акеров менен маек.

 

Негизги окуялар:

 

– Президент Жапаров Казань шаарына барып, Орусия президенти жана башка жетекчилер менен жолукту.

– Казань шаарында Кыргызстандын башкы консулдугу ачылды, жетекчиси Эрик Бейшембиев.

– Искендер Матраимов менен Нурлан Ражабалиев депутаттык мандатынан ажыратылды.

– Мурдагы депутат, «Беш сары» компаниясынын ээси Камчыбек Жолдошбаев камакка алынды.

– Эмгек жана социалдык камсыздоо министринин орун басары Улан Чаначев кармалды.

– Мурдагы министр Динара Кутманова жана анын уулу Кемелбектин иши сотко өткөрүлдү.

– Орус-кыргыз өнүктүрүү фонду – быйыл цемент жана кафель заводдору ишке кирет деп жарыялады.

– Жеңил атлетика боюнча Азия чемпионатында кыргыз спортчулары алтын, күмүш, коло медалдуу болду.

– АКШ өкмөтүнүн жардамы менен Сириядан 28 келин жана 71 бойго жете элек бала кайтарылды.

 

– Кызыл-Омпол кени боюнча президент Жапаров Тоң жана Кочкор райондорунун эли менен жолукту.

– Кызыл-Омпол мурда уран кени деп айтылчу эле, эми ал титаномагнетит кени деп аталууда.

– Президент Жапаров 23-февралда Кызыл-Омпол боюнча Кабар агенттигине өзүнчө интервью берди.

– 2019-жылы уран иштетүүгө каршы митингдер акчага уюштурулганы ачыкка чыгууда.

– Чет элдик өкүлдөр тууралуу мыйзамга толуктоо 22-февралда ЖК сессиясында экинчи окууда кабыл алынды.

– Бейөкмөт уюмдар тууралуу мыйзам долбоорунан эркинен ажыратуу ченеми алып салынды.

– Адахан Мадумаровду шаардык сот 9-апрелге чейин камакта калтырды.

– Камчыбек Ташиев 19-февралда Кыргызстан футбол союзунун төрагасы болуп шайланды.

– Тамчы аэропортунун айланасындагы короо шамалдан дагы бир жолу кулап түштү. Биринчи жолу –2023-жылдын мартында.

 

– Сержант Жылдыз Асанакунованын арызы боюнча Караколдогу аскерий бөлүктүн жетекчилери кармалды.

– 21-февралда Эне тил боюнча эл аралык күн белгиленди.

– Спикер Шакиев – 4-класска чейин бардык балдарды кыргыз тилинде окутуш керек деп билдирди.

– Ооруканаларда медиктерге чабуулдар уланууда. Декабрда бир окуя, эми – кош бойлуу медайымга кол салуу.

– Ар башка региондон келген 56 мугалимдин ичинен аттестациялык тесттен бирөө гана өтө алган.

– Орус драмтеатрынын артисти Александра Марусич 72 жашында кайтыш болду.

– Лейлектеги Аксуу капчыгайында 16-февралда жоголгон орусиялык альпинист Евгений Глазуновдун денеси табылды.

– Жеке менчик ооруканалар менен бейтапканаларды мекеме аралык комиссия текшере баштады.

– Улуу Британияга жайында барып иштеп келүүгө кыргыз жарандары арасында каттоо башталды.

– Бильярддын «Пирамида» түрү боюнча Бишкекте жаштар арасындагы дүйнө чемпионаты башталды, 3-мартка чейин уланат.