Куудул, ырчы Гүлжайна Атаканова кечээ, 29-июнда экинчи ирет эне статусуна ээ болуп, кыздуу болду. Бул тууралуу куудулдун курбу кызы Акмарал Айдарова билдирди.
«Бир саат болуп калды көз жарганына. Бишкектеги жеке клиникалардын биринде өзү төрөдү. Аяш кызымдын салмагы 4 килограмм 300 грамм экен. Эне-баланын ден соолугу жакшы. Дарыгерлер жакшы карап төрөттү деди. Өзүм төрөгөндөй болуп толкунданып жатам. Көптөн бери мынтип сүйүнө элек болчумун. Башыбызга баш кошулду деп аябай кубанып жатам», — дейт Айдарова.
