Кыргыз Эл артисти Саламат Садыковага «Абай» атындагы эл аралык сыйлык ыйгарылды. Бул тууралуу Садыкованын кызы Кундуз Авашова фейсбук баракчасына жазды.
Маалыматта айтылгандай, кыргыз Эл артисти Саламат Садыкованын сыйлыгын Казакстан Республикасынын Маданият жана спорт министри Актоты Раимкулова тапшырган. Сыйлык тапшыруу салтанаты А. Осмонов атындагы улуттук китепкананын Абай Кунанбаев атындагы маданий борбордун залында өткөн.
Белгилей кетсек, Казакстандын улуу ойчул, акыны Абай Кунанбаевдин быйыл 175 жылдыгы белгиленүүдө. Буга байланыштуу иш-чара кечээ, 10-мартта Бишкекте да болуп өттү.
