Пара талап кылуу жана пара алуу фактысы боюнча кармалган «Кыргызалтындын» төрагасы Эльмырза Укубаевдин баш коргоо чарасы каралды. Бул тууралуу Улуттук коопсуздук боюнча мамлекеттик комитеттин маалымат кызматы билдирди.
13-февралда Биринчи май райондук соту Укубаевди 12-апрелге чейин камакка алды.
Укубаев алтын өндүрүүчү компаниялардын биринин директорлор кеңешинин мүчөсүн кызматтан алам деп коркутуп, эмгек акысынын бир бөлүгүн берүүнү талап кылган.
12-февралда жүргүзүлгөн ыкчам-тергөө иш-чараларынын натыйжасында, 100 миң сом өлчөмүндө пара алып жаткан учурда Эльмырза Укубаев кармалып, Улуттук коопсуздук боюнча мамлекеттик комитеттин убактылуу кармоочу жайына киргизилген болчу.
