Доха шаарында Кыргызстандын Катардагы элчиси Марат Нуралиев Катардын транспорт министри шейх Мухаммад бин Абдулла Аль Тани менен жолугушту.
Тараптар жакынкы аралыкта өлкөлөр ортосунда түз аба каттамдарын ачуу мүмкүнчүлүгүн талкуулашты.
Мындан тышкары, эки өлкөнүн Транспорт министрликтеринин ортосундагы кызматташтыкты орнотууга багытталган укуктук-базалык макулдашуулардын долбоорлору боюнча пикир алмашты.
Жолугушуунун соңунда макулдашууларды мындан ары ишке ашыруу үчүн тыгыз байланышта болууну убадалашты.
