Соода-экономикалык жана илимий-техникалык кызматташтык боюнча кыргыз-пакистан өкмөттөр аралык комиссиясынын бешинчи отуруму болуп өттү. Бул тууралуу КР президентине караштуу Улуттук инвестициялык агенттиктен билдиришти.
Комиссиянын ишине агенттиктин директорунун орун басары Дамирбек Бикулов катышты.
Ал өз сөзүндө Кыргызстандын инвестициялык потенциалы менен тааныштырып, чет элдик инвестиция үчүн артыкчылыктуу багыттарды – туризм, энергетика, айыл чарба, өнөр жай, транспорт жана логистиканы белгиледи.
Жолугушуунун негизги жыйынтыгы КР Улуттук инвестициялык агенттиги менен Пакистандын Инвестициялык кеңешинин ортосундагы өз ара түшүнүшүү жөнүндө меморандумга кол коюу болду.
