2026-жылдын январь-июль айларында Кыргызстандан чет өлкөлөргө 746,7 тонна балык продукциясы экспорттолду. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Кыргызстандын балык продукциясы негизинен Орусия жана Казакстан мамлекеттерине экспорттолууда. Бардык продукциялар ветеринардык-санитардык талаптарга ылайык рынокко чыгарылат.
Учурда өлкөдө бул тармакта экспорттук ишмердүүлүк менен 9 ишкана алектенет. Министрлик балык чарбасын өнүктүрүү, өндүрүштү көбөйтүү жана экспорттук мүмкүнчүлүктөрдү кеңейтүү боюнча иштерди улантарын кошумчалады.
