Рейддик иш-чаралардын жүрүшүндө өлкө аймагына мыйзамсыз алып кирүүгө аракет кылынган 2,2 миллион сомдон ашык суммадагы косметикалык каражаттар жана керектөөчү товарлар аныкталды.
Мамлекеттик салык кызматынын маалыматына ылайык, жүк ташуучу унааны текшерүү учурунда товарлар тиешелүү коштомо документтерсиз ташылып баратканы белгилүү болгон.
Учурда бул факты боюнча тиешелүү чаралар көрүлүп, мамлекеттик бюджетке түшүүгө тийиш болгон салык төлөмдөрүн өндүрүү иштери жүргүзүлүүдө.
Мамлекеттик салык кызматы жарандарды жана ишкерлерди товарларды өлкөгө алып кирүүдө салык жана бажы мыйзамдарынын талаптарын так сактоого чакырды.
