20-июлда Ысык-Көл облусунун Сырт жайлоосунда ак түстөгү кыргыз топозу «Кыргыз ак топозу» деген аталыш менен жаңы порода катары расмий мамлекеттик каттоодон өттү.
Тиешелүү буйрукка суу ресурстары, айыл чарба жана кайра иштетүү өнөр жайы министри Эрлист Акунбеков кол койду.
Жаңы порода 2014–2026-жылдары жүргүзүлгөн селекциялык иштердин натыйжасында түзүлүп, бийик тоолуу шарттарга ыңгайлашкан, жогорку өндүрүмдүүлүгү жана сапаттуу ак жүнү менен айырмаланат.
Адистердин айтымында, «Кыргыз ак топозунун» мамлекеттик каттоодон өтүшү асыл тукум мал чарбасын өнүктүрүүгө, улуттук генетикалык ресурстарды сактоого жана Кыргызстандын экспорттук мүмкүнчүлүктөрүн кеңейтүүгө өбөлгө түзөт.
