Жаратылыш ресурстары, экология жана техникалык көзөмөл министрлигинин Чүй регионалдык башкармалыгы Москва районунун Петровка айылындагы мончонун аймагында тигүү өндүрүшүнүн калдыктары өрттөлгөнүн аныктады.
Маалым болгондой, текшерүү социалдык тармактарда тараган видеонун негизинде жүргүзүлүп, жыйынтыгында мончонун ээсине 10 миң сом өлчөмүндө административдик айып пул салынды.
Мындан тышкары, калдыктарды мыйзам талаптарына ылайык чогултуу, сактоо жана утилдештирүү боюнча түшүндүрүү иштери жүргүзүлүп, мындай мыйзам бузууларга жол бербөө тууралуу эскертүү берилди.
