Ички иштер министрлиги интим кызматтарын жарнамалаган 20дан ашык интернет сайттын ишине бөгөт койду. Бул сайттарда интимдик кызмат көрсөткөн кыздардын сүрөттөрү жана кызмат акысы жарыяланчу. Сайттар ачык болгондуктан, жашы жете электер дагы оңой эле кирип турган. Мындан улам, сайттардын иши мыйзам ченемдерин бузат, анын ичинде «Кыргыз Республикасында балдардын ден соолугуна, дене бой, интеллектуалдык, психикалык, руханий жана адептик өнүгүүсүнө зыян келтирүүнүн алдын алуу боюнча чаралар жөнүндө» КР мыйзамынын талаптарын бузуу болуп саналат.
Интим кызматын жарнамалаган сайттарга кирүүнү чектөө боюнча иштер улантылууда. Ошондой эле интимдик кызмат көрсөтүү сайттарын иштеп чыгуучуларга жана ээлерине карата аларды жоопкерчиликке тартуу максатында чаралар көрүлөт.
