Кыргызстандан 40 тоннадан ашык форель балыгын Орусияга документсиз алып келүүгө аракет жасалганын Россельхознадзор билдирди.
Оренбург облусундагы Маштаково өткөрмө бекетинде Кыргызстандан 40 тоннадан ашык форель ташып келүү аракети токтотулду.
«Аква Пром» ЖЧКсы тарабынан жөнөтүлгөн жана Санкт-Петербургга жеткирүүгө арналган балыктар антибиотиктерге, мителерге, бактериялык инфекцияларга, оор металлдарга жана пестициддерге керектүү лабораториялык изилдөөлөрсүз ташылган.
Ырасталган коопсуздук документтери жок болгондуктан, продукт артка кайтарылган. Ташуучулар административдик жоопкерчиликке тартылды.
