Сербиядагы эркин күрөш боюнча дүйнө чемпионатында кыргызстандык балбан Эрназар Акматалиев алгачкы атаандашын жеңип алды.
Акматалиев 70 кг салмакта эркин күрөш боюнча мелдештин 1/8 финалынан баштап катышууда. Эрназардын алгачкы атаандашы молдовалык Максим Сакултан болуп, Акматалиев аны 14:2 эсебинде жеңди.
1/4 финалда балбан Эрназар Акматалиев болгариялык Рамазан Рамазанов менен беттешет.
Эскерте кетсек, грек-рим, эркин жана кыз-келиндер күрөшү боюнча дүйнө чемпионаты 10-18-сентябрга чейин Белград шаарында өтөт. Мелдешке Кыргызстандын атынан 15 спортчу барган.