Москвада Никита Михалковдун «Мастерская 12» театрында «Бриллиант көпөлөк» эл аралык киносыйлыгын тапшыруу аземи болуп өттү. Бул тууралуу уюштуруучулар иш-чараны социалдык тармактарда жарыялашты.
Белгилүү болгондой, Кыргызстандык Талант Акынбеков «Кара, кызыл, сары» тасмасы үчүн «Мыкты оператор» сыйлыгын алган.
“Эң мыкты тасма” деп кытайлык режиссер Сюй Чжэндин «Агымга каршы» тасмасы табылды. Анын жаратуучулары 1 миллион долларга жакын акчалай сыйлык алышат.
Сынакка жалпы маданий жана руханий салттарды бөлүшкөн өлкөлөрдүн тасмалары катышты. Алар Россия, Кытай, Түркия, Кыргызстан, Тажикстан, Түркмөнстан, Сербия, Өзбекстан, Венесуэла, Куба, Сенегал, Түштүк Африка, Пакистан, Беларусь, Индонезия, Вьетнам, Иран ж.б.
