Кыргызстандын бокс боюнча улуттук курама командасынын мүчөлөрү “Boxam” эл аралык мелдешинде 4 медаль (1 алтын 1 күмүш, 2 коло) жеңди.
Дене тарбия жана спорт департаментинен билдиришкендей, бокс боюнча мелдеш Испаниянын Аликанте провинциясынын Ла Нусия шаарында өтүп жатат.
Алсак, 67 кг чейинки Ихтияр Нишанов алтын медалга ээ болду. Ошондой эле 57 кг чейинки салмакта катышкан Ислам Төрөбаев күмүш медалга жана Санжай Сейдакматов (54 кг), Нурадин Рустамбек уулу (75 кг) коло медалга татыды.
Эске салсак, улуттук курам башкы машыктыруучу Данияр Төлөгөн уулу жана улук машыктыруучу Акыйкат Абаевдин жетекчилиги алдында мелдешке катышты.
