Кыргызстандын волейбол боюнча курама командасы Азиянын чакырык кубогун жеңип алды
Чолпон-Ата шаарында өткөн Азия чакырык кубогунда Кыргызстандын волейбол боюнча курама командасы 1-орунга ээ болду.
Аталган турнирге Сауд Арабия, Өзбекстан, Монголия, Кыргызстан курамалары катышкан. Кыргызстан биринчи турда Монголиядан утулуп, экинчи турда Өзбекстанды жеңип алды. Үчүнчү турда Сауд Арабиянын командасына утулуп калган, бирок 1-2-орун үчүн таймашууга мүмкүнчүлүк алган. Финалда Сауд Арабия менен беттешип 3:2 эсебинде Кыргызстан 1-орунду алды.
