Улуттук коопсуздук мамлекеттик комитети Ички иштер министрлиги менен биргеликте Кыргызстандын Жалал-Абад шаарында жашырынып жүргөн чет элдик качкын кылмышкерлерди кармады. Бул тууралуу УКМКнын басма сөз кызматы билдирди.
Маалыматка ылайык, кармалган качкындар КМШ өлкөлөрүнүн биринин жарандары экендиги аныкталган. Алар жаза өтүп жаткан камак жайларынан качып чыгышып, жасалма документ менен Кыргызстандын аймагына өтүшкөн.
«М.А жана Р.Ж. аттуу жарандар Сирияга куралдуу кагылышуу болгон аймакка чыгып кетүү аракетин көрүп жүрүшкөн. Учурда алар Жалал-Абад ОИИБнын убактылуу кармоочу жайына киргизилген. Кылмышкерлерге жардам көрсөткөн адамдардын катыштыгын аныктоо боюнча тергөө-оперативдик иш-чаралар жүрүп жатат», — деп берилет маалыматта.
