1-декабрда Кытайдын «Чанъэ-5» аттуу зонду (космостук аппарат) Айга конду. Бул тууралуу чет элдик маалымат булактары жазып чыгышты.
Маалыматка ылайык, ал анда эки күн болуп, Ай кыртышын чогултат.
«Миссия ийгиликтүү аяктаса, Кытай акыркы 44 жылдан бери Айдагы геологиялык үлгүнү ташыган долбоорду ишке ашырган алгачкы мамлекет болуп калат. Мындай миссияны 1960-жылдардын аягында жана 1970-жылдардын башында АКШ менен СССР да ишке ашырган. Ошондон бери көптөгөн өлкөлөрдүн планетологдору Айдан жаңы үлгүлөрдү күтүп келишет», — деп берилет маалыматта.
