Бүгүнкү Жогорку Кеңештин жыйынында депутат Динара Ашимова кыздар окуган медреселерди текшерүүнү талап кылды.
Ашимова Дин комиссиясы медреселерде кандай программа менен ким окутуп жатканын жакшы карабай жатканын айтып, көзөмөлдү күчөтүү керектигин белгиледи.
«Республикада 109дан ашуун медресе бар. Алардын жарымынан көбү кыздар менен аялдардын медресеси. Айтайын дегеним, көп кыздар экстремисттик агымдарга кирип кетип, кооптуу тенденция жаралууда. Кандай сабактар өтүлүп жатат, кандай мугалимдер берип жатат. Анан медресени бүткөндөн кийин эле күйөөгө тийип кетип, ажырашуулар көп болуп жатат. Зордук-зомбулук өсүүдө, мага күнүнө жардам бериңиз деп 100-150 кайрылуу келет», — деди ал.
