Бишкектин Лебединовка-ГЭС-5 унаа жолун реконструкциялоо иштери кызуу жүрүүдө. Азыркы тапта жер иштери, түтүктөрдү орнотуу иштери жүрүүдө. Бул тууралуу транспорт министрлигинен билдиришти.
Унаа жолдун жалпы узундугу 5,1 чакырымды түзөт. Жол эки тилкеден төрт тилкелүү болуп кеңейтилип, тротуар салынып, жарыктандырылып жана учурдагы көпүрө кеңейтилет.
Негизги жолго катар Биримдик-Кут конушуна кирүүчү дагы эки тилкелүү кошумча жол курулат. Кыйылган дарактардын ордуна андан да көп бак-дарактар отургузулат. Жолдун негизи курулушу быйыл аякташы мерчемделүүдө.
