Лейлек районунун Мурас айылында ичүүчү таза суу менен камсыздоо системасын куруу иштери аяктоо алдында турат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, курулуш иштери «Климаттын өзгөрүшүнө туруктуу суу чарба кызматтарын жакшыртуу» долбоорунун алкагында жүргүзүлүүдө.
Учурда иштер аяктоо алдында турат, жакынкы аралыкта айылдын 3 миңден ашуун тургуну таза жана коопсуз ичүүчү суу менен камсыз болот.
Долбоордун алкагында 17 чакырым суу түтүктөрү тартылып, жаңы резервуарлар жана хлоратордук курулмалар орнотулду.
