Лейлектин Катраң айылында жол тосууга айыпталып кармалгандардын арасында жергиликтүү кеңештин депутаттары да бар экендиги аныкталды. Алардын бардыгы үй камагына чыгарылды.
Эске сала кетсек, 4-августта Катраң айылындагы Алмалуу жайлоосундагы алтын кенин чалгындаган ишкана менен жергиликтүү элдин ортосунда чыр чыккан.
Ал эми, 5-августта милиция жергиликтүү алты тургунду шектүү катары камакка алган. 6-августта жергиликтүү эл Лейлек — Исфана жолун бууп, алтын кенди чалгындоо иштерин токтотууну, кармалгандарды бошотууну талап кылышкан.
Облус башчысы чогулгандар менен жолугуп, камалгандар бошотулаарын кенди иштетүү токтотуларын билдирген. Учурда жол ачык.