Лев Толстой көчөсүндө иш менен камсыз кылуу пункту орнотулду. Бул тууралуу мэриядан билдиришти.
Бишкек шаарынын мэри Айбек Жунушалиевдин тапшырмасынын алкагында Лев Толстой көчөсү, 70А дарегиндеги «Эмгек биржасында» иш менен камсыз кылуу пунктунун жана укук коргоо органдарынын кызматкерлери (милициянын участкалык пункту) иш алып барат.
Пунктун орнотуу иштери 2023-жылдын 22-декабрында башталган.
Пунктту орнотуу үчүн шаар мэринин резервдик фондунан 1 162 000 сом каражат бөлүнгөн, ошондой эле 800 000 сом өлчөмүндөгү бюджеттен тышкаркы каражаттар тартылган.
