Ливияда суу ташкынынан кеминде 5300дөй адам каза болду. Миңдеген адам дайынсыз болууда. Бул тууралуу аталган өлкөнүн ЖМКлары жазып чыгышты.
Маалыматка караганда, табият кырсыгынан Дерна шаары жабыркап, дээрлик 25% жок болгону кабарланууда.
Эл аралык Кызыл Чырым жана Кызыл Жарым Ай уюмдарынын Ливиядагы өкүлү Тамер Рамадан Женевадагы брифингде кырсыктын масштабы чоң экенин эл аралык жардамга муктаждык бардыгын белгиледи.
Эскерте кетсек, 10-сентябрда Ливиянын түндүк-батышын «Даниэл» куюну каптап, катуу нөшөр жааган. Андан соң, Дернадагы эки дамба жырылып, төрт көпүрө жараксыз болгон.
