Быйылкы жылдын алгачкы эки айында өлкөдөгү орточо айлык акы 39 миң 456 сомду түздү. Бул тууралуу Улуттук статистикалык комитеттин төрагасы Бактыбек Кудайбергенов билдирди.
Өткөн жылдын ушул мезгилине салыштырмалуу орточо айлык акы 17,8 пайызга өскөн. Эмгек акы курулуш, тоо-кен өндүрүшү, маалымат жана коммуникациялар сыяктуу тармактарда өскөнү байкалган.
Мындан тышкары кыймылсыз мүлк менен операция жүргүзүү, ресторан жана мейманкана кызматтары, кесиптик, илимий-техникалык ишмердүүлүк багыттарында да эмгек акы көбөйгөнү айтылды.
