Кыргызстанда жергиликтүү кеңештердин депутаттарын шайлоо тынч жана одоно мыйзам бузууларсыз өттү. Бул тууралуу ИИМден билдирди.
Белгилей кетсек, 17-ноябрь күнү саат 08:00дө башталган шайлоо саат 20:00дө аяктады. Республиканын бардык аймактарындагы 2 443 шайлоо тилкелеринде ички иштер органдарынын 15 миң кызматкери күчөтүлгөн тартипте кызмат өтөдү.
Жүктөлгөн милдеттерди натыйжалуу аткаруу жана жер-жерлердеги аймактык бөлүмдөрдүн ишин координациялоону камсыз кылуу максатында региондордо ички иштер министринин орун басарлары, ИИМдин кызматтарынын жана башкармалыктарынын жетекчилери иш алып барды.
Жалпы республика боюнча шайлоо мыйзам бузууларына байланыштуу 69 факт маалыматтардын электрондук журналына катталган.
