Импорттолгон бакча өсүмдүктөрүнүн сапатын көзөмөлдөө чаралары күчөтүлдү. Бул тууралуу Айыл чарба министрлигинен билдирди.
Өсүмдүктөрдү химиялаштыруу, коргоо жана карантин департаменти карантиндик зыяндуу организмдерди аныктоо, ошондой эле нитраттардын жана пестициддердин калдыктарын текшерүү боюнча лабораториялык изилдөөлөрдү жүргүзүүдө. Көзөмөл күчөтүлгөн тартипте жүрүп жатат.
Кыргызстандын аймагына кирген ар бир партия лабораториялык текшерүүдөн өткөндөн кийин гана продукцияны киргизүүгө уруксат берилет.
Коопсуздук талаптарына жооп бербеген продукцияны өлкөгө киргизүүгө жана сатууга тыюу салынат.
