Жети-Өгүз районундагы Кызыл-Суу айылында санитардык эрежени сактабаган мал союучу цех аныкталды. Бул тууралуу Ысык-Көл облустук милициясынан кабарлашты.
Туристтик-экологиялык милициясынын кызматкерлери тарабынан мал союучу цех текшерилип, ветеринардык-санитардык талаптар сакталбагандыгын аныкталган. Айрым жаныбарлардын калдыктары жана каны жерге төгүлгөн, дезинфекциялык тосмо жана кык чогултуучу жайлар жок болуп чыккан.
Аталган факт боюнча чогултулган материалдар тергөө кызматына жана тиешелүү мамлекеттик органдарга өткөрүп берилди.
Текшерүү уланууда.
