«Манас» аэропортунан Бишкекке келе жаткан унаа жол кырсыкка кабылып, бир адам каза болду. Бул тууралуу Чүй облустук жол кыймылынын коопсуздугун камсыздоо бөлүмүнөн билдиришти.
Маалыматка ылайык, жолдо бара жатып айдоочу рулду башкара албай дарак дүмүрүнө урунган.
«Унаа соккудан улам оодарылып кеткен. Жеринде айдоочу каза болуп, анын өздүгү такталууда. Бардык материалдар аймактык тергөө органдарына өткөрүлүп берилет», — деп билдирди Жол кайгуул кызматы.